Apologeticae sive Theologiae Fundamentalis, Tomus I: Demonstratio Christiana
Hilarin Felder (1867–1951)
Apologeticae sive Theologiae Fundamentalis
First published 1923
Hilarin Felder, O.M.Cap.'s Apologeticae sive Theologiae Fundamentalis, Tomus I—Demonstratio Christiana—is the Christian-demonstration half of a two-volume Latin manual of fundamental theology. First published at Paderborn in 1920 and revised in the second edition of 1923, it presents a neo-scholastic case for the historical revelation of Christ and the credibility of Christianity, using Scripture, history, and theological argument for classroom formation. Felder's work belongs to the mature manual tradition that shaped Catholic apologetics before the mid-century renewal. Schola presents the 1923 Latin edition with an English translation.
Praefatio
Epistola I: SS. D. Benedictus PP. XV (s. m.) opus collaudat
Dal Vaticano, die 9. Novembris 1921.
Admodum Reverende Domine,
Id fecit nuper egregia humanitas tua ut Augusto Pontifici binos libros de re apologetica, abs te quidem confectos, reverenter pio muneri offerres.
Merito sane Beatissimus Pater gratum hoc habuit acceptumque; etenim tua volumina percurrens, libenter admodum didicit te non solum ratione viaque facili usum esse quo pluribus, praesertim iuventuti studiosae prodesses, sed etiam te fusius de iis falsis doctrinis scripsisse, quae, his temporibus, tam insolenter ipsa christianae Fidei principia evertere conantur.
Valde igitur tibi Sanctitas Sua gratulatur de hoc pulcherrimo ingenii industriaeque tuae fructu; siquidem, cum praeclara sint, quae ex variis apologiae scriptoribus sapienter collegisti, tum ea tam apto rerum ordine explicas, ut in hoc, sicuti in ceteris tuis operibus, doctrinae copiam simulque dicendi perspicuitatem peritissimus quisque admiretur.
Ceterum debitas tibi grates de amoris pietatisque officio persolvens, id ex animo precatur, ut quam plurimis haec tua Fidei plena defensio, in tanta iniquitate temporum, opportune proficiat.
Atque in caelestium donorum auspicium, itemque ut paternae benevolentiae pignus, Apostolicam Benedictionem tibi effuso animo impertit.
Ego vero, haec tibi renuntians, libenter occasione utor sensus existimationis maximae erga te meae profitendi, quibus sum et permanere gaudeo
Tibi addictissimus Petr. Card. Gasparri.