De visione Dei
Nicholas of Cusa (1401–1464)
De visione Dei sive de icona
De visione Dei, or De icona (On the Vision of God, 1453), addressed to the Benedictines of Tegernsee: seeing God through the icon that gazes on all. Latin transcribed from the 1514 Paris Opera; English translation new.
Epistola ad abbatem et fratres Tegernseos
Praefatio
Capitulum I: Perfectio apparentiae verificari de deo perfectissimo
Capitulum II: Visus absolutus complectitur omnes modos
Capitulum III: Quae de deo dicuntur realiter non differunt
quae de deo dicuntur: realiter non differunt. Consequenter attendas omnia quae de deo dicunt: realiter ob summam dei simplicitatem non posse differre. licet nos secundum alias et alias rationes: alia et alia vocabula, deo attribuamus. Deus autem cum sit ratio absoluta: omnium formalium rationum in se omnes rationes complicat. Unde quamvis deo visum, auditum, gustum, odoratum, tactum, sensum, rationem, et intellectum, et talia attribuamus secundum alias et alias cuiuslibet vocabuli significationum rationes: tum in ipso, videre non est aliud ab audire, et gustare, et odorare, et tangere, et sentire, et intelligere. et ita tota theologia in circulo posita dicit: quia unum attributorum affirmat de alio. et habere dei: est esse eius, et movere est stare, et currere est quiescere, et ita de reliquis attributis. Sic licet nos alia ratione attribuamus ei movere, et alia, stare: tum quia ipse est absoluta ratio in qua omnis alteritas est unitas, et omnis diversitas identitas, tunc rationum diversitas quae non est identitas ipsa, prout nos diversitatem concipimus, in deo esse nequit.