Cursus Philosophicus Thomisticus, Secunda Pars Philosophiae Naturalis
John of St. Thomas (1589–1644)
Secunda pars philosophiae naturalis (de ente mobili corruptibili) of the Cursus Philosophicus Thomisticus of John of St. Thomas (Joannes a Sancto Thoma), from the Reiser edition (Marietti, Turin, 1930), Reiser tomus II-II.
✦ This work is being completed — add a section.
Praefatio I: Lectoribus
«Lectoribus.1
«Tertiam hanc Philosophiae partem in duodecim quaestiones distributam damus, quibus fere omnia, quae in prima parte Philosophiae quasi in communi discussa sunt, iterum ad limam revocantur, et in speciali disputata singularem lucem communi illi de ente mobili tractatui afferre possunt. Et ideo etiam necessarium fuit, quaedam laxiori discussione enodare, ut particularior minutiorque notitia de his, quae in universali tantum disputata fuerant, traderetur. Seorsum Aristotelis textum summatim reposuimus, eius ordinem seriemque explicantes, gnari quantum ex illius recta dispositione et contexturae intelligentia addiscentium profectus augeatur. Adiecimus praeterea „tractatum de Meteoris”, qui librorum de Generatione quasi appendix et pars quaedam est, utpote de mixtis imperfectis, et quae proxime ad elementorum naturam accedunt, agens. Inde vero ad ultimam Philosophiae partem, quae de Anima agit, propediem prelo evulgandam, pro totius liberalium disciplinarum cursus complemento benevoli lectoris animum invitamus. Et utinam in aliqualem Dei gloriam et doctrinae D. Thomae defensionem possit deservire. Vale».
Huic tertiae Philosophiae parti auctor hanc dedicationem praefixit:
Dedicatio I: Dedicatio
Divae Matri, totius sapientiae illuminatrici, Virgini optimae maximae sacrum.
Et throno sacrorum pedum eius,1 caelestis doctrinae angelo, fidissimo divinae voluntatis interpreti,2 splendidissimo fidei athletae,3 inespugnabili Ecclesiae clipeo,
D. Thomae Aquinati universam philosophiam irradianti.
Ipse dedit mihi horum, quae sunt, scientiam veram, ut sciam dispositionem orbis terrarum et virtutes elementorum.4