On the Divine Institution of The Papacy
Tommaso de Vio Cajetan (1469–1534)
De divina institutione pontificatus Romani pontificis super totam ecclesiam, a Christo in Petro
First published 1521
In this treatise, Cardinal Cajetan examines the foundations of the Catholic Church and the authority of the papacy, arguing against conciliarism and addressing the question of a heretical pope.
Pars I: Versui Ludativi
Caput I: Quid, quomodo et quo ordine tractandum est
Caput II: Petri Persone & Non Dono Revelationis aut Beatitudinis Promissae Sunt Claves
Caput III: Personae Petri in se et non solum in persona ecclesiae promissas esse claves
Caput IV: Verba Christi, tibi dabo claves, Petro non in persona omnium apostolorum dicta esse
Caput V: Apostolis aliis non esse alias collatum quam Petro
Caput VI: Solum Petrum accepisse claves, consonat ei quod est ecclesiam accepisse claves
Caput VII: Promissum esse Petro totius ecclesiae pontificatum in antedictis promissionibus
Caput VIII: Personae Petri, quis charitate qualificate dictum esse pasce oves meas
Caput IX: Soli Petro, ita quod non aliis apostolis, dictum esse pasce oves meas
Quod autem soli Petro dictum sit a Christo pasce oves meas, textus ipse clare manifestat: tum ex nomine proprio suo et patris carnalis tertio repetito: tum ex comparatione apposita ad alios, diligis me plus his: comparativum enim diversitatem monstrat ipsius ad alios apostolos praesentes quibus comparatur: tum ex propria Petri passione, qua contristatus describitur ex tertia interrogatione, memor negationis Christi praedictae sibi olim ipso parato mori: ita ut locus dubitationi non relinquatur. Et quoniam haec fuerunt Petro data post resurrectionem Domini, et aliis apostolis nec antea nec postea invenitur simile quid dictum, restat ut omnino soli Petro dictum sit pasce oves meas.
Nec obstat quod ecclesia apostolos omnes vocat pastores dominici gregis in praefatione (quos operis tui vicarios eidem contulisti praeesse pastores) quoniam hoc ad apostolatum manifeste refertur: et propterea eo modo dicuntur pastores dominici gregis, quo ad apostolatum spectat pastoralis cura: ut autem apostoli nomen testatur, pastorale exercitium ad apostolos spectat ut ad legatos Christi: et sic hoc est ut legati Christi dicuntur pastores dominici gregis. Petrus autem (ut ex supra dictis et dicendis patebit) constitutus est ut ordinarius pastor etiam ipsorum apostolorum: et hoc significant Christi verba pasce oves meas.