Expositio super symbolum Apostolorum
Alan of Lille (1120–1202)
A commentary on the Apostles' Creed by Alan.
Prologus I: Incipit Alanus super symbolum Apostolorum.
Caput I: Credo in Deum Patrem omnipotentem, creatorem celi et terre.
Caput II: Et in Ihesum Christum, Filium eius unicum, Dominum nostrum.
Caput III: Qui conceptus est de Spiritu Sancto, natus ex Maria Virgine.
Caput IV: Passus sub Pontio Pylato, crucifixus, mortuus, et sepultus.
Caput V: Descendit ad inferna, tertia die resurrexit a mortuis.
Caput VI: Ascendit ad celos, sedet ad dexteram Dei Patris omnipotentis.
Caput VII: Inde venturus est iudicare vivos et mortuos.
Caput VIII: Credo in Spiritum Sanctum.
Caput IX: Sanctam Ecclesiam catholicam, sanctorum communionem.
Caput X: Remissionem peccatorum.
Caput XI: Carnis resurrectionem.
Caput XII: Vitam eternam.
Vitam eternam.
Hoc uerum tenemur credere quod sancti fruentur uita eterna post diem iudicii in corpore et anima. Et per contrarium intelligitur quod dampnabuntur reprobi pena eterna. In quo tria intelliguntur: uita, uite eternitas, uiuendi iocunditas. Vnde mali non dicuntur habere uitam eternam quamuis sine fine uiuant. Et hoc est quod in niceno symbolo dicitur Et uitam futuri seculi.
Nota quod eternitas que comitabitur uitam sanctorum inproprie dicitur seculum. Seculum enim dicitur spacium mille annorum et dicitur seculum a sequendo quia post precedens dicitur consequens et item aliud sequitur. Vnde quia eternitatem nichil uel nullum sequitur inproprie seculum dicitur. In hoc autem quod dicitur uitam eternam siue uitam futuri seculi nec eternitas nec uite iocunditas intelligitur. Vnde ex hoc quod dictum est Cuius regni non erit finis et ex eo quod sequitur vitam futuri seculi quasi unus conficitur articulus equipollens huic Vitam eternam. Et ideo superius adiunctum est Iudicare uiuos et mortuos et Cuius regni non erit finis ut ita intelligatur Christus tam iudicaturus malos quam saluaturus bonos.
Sunt autem qui dicunt quod in nycena synodo cum sancti patres ediderunt symbolum ille qui ultimum edere debebat articulum de medio raptus est. Ceteri autem ut dicitur pectori eius apposuerunt cartulam in qua symbolum perfecte scriptum erat et inuentus est ultimus articulus Vitam futuri seculi manu angelica scriptus. Articulus quasi dicat fiat.
In predicto symbolo sunt xii articuli quibus coniuncta sunt appenditia scilicet co-articuli ut angelos creatos esse a deo et ipsum esse datorem noui et ueteris testamenti. Amen.