Lignum vitae
Bonaventure (1217–1274)
Bonaventure's Lignum vitae (Tree of Life): forty-eight meditations on the life, passion, and glorification of Christ, ordered as twelve fruits on a mystical tree, with a closing prayer for the seven gifts of the Holy Spirit. Latin: Quaracchi critical text; English: new ScholaThomistica translation.
Prologus
Fructus I: Fructus I. Praeclaritas originis.
Fructus II: Fructus II. Humilitas conversationis.
Fructus III: Fructus III. Celsitudo virtutis.
Fructus IV: Fructus IV. Plenitudo pietatis.
Fructus V: Fructus V. Confidentia in periculis.
Fructus VI: Fructus VI. Patientia in iniuriis.
Fructus VII: Fructus VII. Constantia in suppliciis.
Fructus VIII: Fructus VIII. Victoria in conflictu mortis.
Fructus IX: Fructus IX. Novitas resurrectionis.
Fructus X: Fructus X. Sublimitas ascensionis.
Fructus XI: Fructus XI. Aequitas iudicii.
Fructus XII: Fructus XII. Aeternitas regni.
Oratio pro obtinendis septem donis Spiritus sancti.
Additamentum
Haec est meditatio quaedam rhythmice facta a fratre Bonaventura, Generali ordinis fratrum Minorum, de operationibus D. N. Iesu Christi, in qua quidem incipit ipsum describere secundum generationem aeternam quantum ad quatuor conditiones nobilissimas, scilicet essentiae, sapientiae, potentiae et benevolentiae. Et haec habentur per ordinem in ipso versu. Deinde describit eum ut promissum Patriarchis, praefiguratum a Prophetis, ut conceptum et ut natum, et ex hoc per ordinem totum processum vitae quantum ad facta notabilia usque ad distributionem donorum Spiritus S. — Praemittit autem unum versiculum significans crucem ex irrigatione fontis, adornatione floris, fecundatione fructus excellentissimi. Qui quidem fons, flos et fructus est Dominus Iesus Christus, cuius nobilitates in sequentibus declarantur et sunt in universo septuaginta duae. Voluit autem, quod ibi fieret quidam cantus, quo possit cantari ad modum cantionis. Unde per primum versiculum omnes cantantur in duobus cantibus alternatim, et ad quemlibet respondetur altera medietas primi versus, secundum quod consonat finis cantus. — In ultimo autem versu se convertit ad vocem orationis, ut per Christum supra descriptum sit ipsa crux veris christianis initium vitae, progressus vitae et consummatio gloriae. — Describitur autem hic Iesus Christus crucifixus sub typo cuiusdam arboris, primo quantum ad radicem seu initium, secundo quantum ad stipitem seu profectum, tertio quantum ad ramificationem seu consummationem, ibi: Iesus, futura praevidens, quartum quantum ad fructificationem, ibi: Iesus, captivos eruens.
O crux, frutex salvificus,
Vivo fonte rigatus,
Quem flos exornat fulgidus,
Fructus fecundat gratius.
Iesus, ex Patre genitus,
Iesus, liber signatus,
Iesus, cunctorum dominus,
Iesus, desideratus. ℟. O crux etc.
Iesus, promissus Patribus,
Iesus, praefiguratus,
Iesus, emissus caelitus,
Iesus, Mariae natus. ℟. Quem etc.
Iesus, sub Lege positus,
Iesus, Magis monstratus,
Iesus, redemptus parvulus,
Iesus, infans fugatus. ℟. O crux etc.