Modo, vir beate, post theologicas informationes ad diuinorum nominum explicationem pro virili me conferam.
Sit autem etiannum nobis oraculorum sacra lex proposita, ut veritatem ostendamus eorum quae de Deo dicuntur, non in persuasibilibus humanae sapientiae verbis, sed in ostensione virtutis q, quam Spiritus theologis inspirauit, qua rebus ineffabilibus et ignotis modo ineffabili ignotoque conjungimur secundum eam unionem, quae vim omnem ac potentiam nostrae aut ratiocinationis aut intellectionis excedit. Universe igitur audendum non est, neque dicere, neque cogitare quidquam de supersubstantiali et absita deitate, praeter ea quae nobis in sacris oraculis sunt indicata divinitus. Nam supernaturalitatis ipsius indemonstrabilis, quae supra omnem rationem, et mentem, et essentiam est, ipsa est cui supernaturalem scientiam tribuere nos oportet; tantum ad inaccessum illud lumen aspirando, quantum se insinuaverit divinorum ille radius oraculorum, quo eminentioribus istis rerum divinarum splendoribus sobrietate quadam ac sanctitate contemperamur. Etenim si quid sapientissimae verissimaeque theologiae credendum est, pro singularum captu mentium divina revelantur, spectanturque, dum summa Dei bonitas, justitia salutari, rebus mensuralis immensitatem suam divino quodam decore, quod comprehendi nequeat, commensurat. Sicut enim ea quae sub intelligentiam cadunt per ea quae sub sensum cadunt comprehendere et contemplari non possumus, neque per ea quae typis et signis informantur, ea quae simplicia sunt et typis non signantur, neque per figuras corporum incorporea, quae neque sensuum tactus subire, neque figuram et formam capere possint; eadem plane ratione veritatis supra substantias est illa suprasubstantialis infinitas, et supra mentes illa supra mentem unitas; et omnibus ratiocinationibus inscrutabile est illud supra ratiocinationem unum; omnique verbo ineffabile est illud supra verbum bonum; unitas effectrix unius et mens non cadens sub intelligentiam, ratio non e nullius rei similitudinem habens: quae quidem ca quiescit extra omnia quae sunt, quemadmodum eli